7. astea, Heziberri 2020 eta urteko plana

Asteari hasiera emateko gure bi ikaskide Heziberri 2020ren lehenengo egitasmoaren: hezkuntza eredu pedagogikoaren markoaren aurkezpena egin digute. Aurkezpena hasteko marko honetara ailegatzeko pausuak erakutsi dizkigute, behin markoaren barruan egonda hemen aurki dezakeguna azaldu digute, hona hemen aurkeztutako puntuak: -hezkuntza oinarriak
                                                         -oinarrizko hezkuntzaren xedeak
                                                         -konpetentziak
                                                         -oinarrizko konpetentziak
                                                         -edukiak
                                                         -edukiak hautatzeko irizpide orokorrak
                                                         -metodologia
                                                         -eduki-motak irakatsi eta ikasteko orientabideak
                                                         -eleaniztasuna eta hizkuntzaren trataera
                                                         -ikaskuntza ebaluatzea eta ebaluazioaren zeratarakoak
                                                         -hezkuntza-eredu pedagogikoa ezartzeko eta hobetzeko ildo estrategikoak
                                                        -eskola inklusiboa
                                                        -irakasleen prestakuntzari buruzko planteamendua
                                                        -material didaktikoa

Hona hemen Heziberri 2020ren lehenengo egitasmoa:
http://www.euskadi.eus/contenidos/informacion/heziberri_2020/eu_heziberr/adjuntos/Heziberri_2020_e.pdf

Honetan eman dugu beraz, aste honetako lehenengo saioa.


Saio praktikoaren egunenan irakaslea ez da etorri baina nik eta nire taldea didaktikako K2 moduluaren lana aurreratu dugu. Lanaren 3. puntuarekin hasi gara, irakasleak emandako taula batzuk egungo dekretura (Heziberri 2020) egokitu ditugu, konpetentziak (zehar-konpetentziak eta oinarrizkoak), helburuak (eremu bakoitzeko helburuak) eta edukiak.

Astearen azken saioan gure gelako beste bi ikaskide aurkezpen txiki bat egin digute urteko planaren ingrurukoa: Urteko plana zer den, zertarako balio duen, dekretuarekin daukan erlazioa, eskola bakoitzak nola antolatzen duen bere urteko plana, urteko planaren barruan agertu behar diren puntuak (kokapena, ikastaldearen ezaugarriak, zenbat unitate didaktikotan banatuta dagoen, helburuak, edukiak eta ebaluazio irizpideak), metodologia (espazioa eta denboraren banaketa, materiala, haurren taldekatzea) eta oinarrizko konpetentziak. Haiek amaitzerakoan irakasleak gai honen inguruan hitz egiten eta azalpenak ematen jarraitu du eta modu honetan amaitu dugu 7. aste hau.